Sanyo innkallar farsímarafhlöður

Japanski hátækniframleiðandinn Sanyo hefur innkallað 1,3 milljónir rafhlaða fyrir farsíma undir merkjum Sanyo en óttast er að þær geti ofhitnað með þeim afleiðingum að kviknað geti í þeim.

Sanyo er einn stærsti framleiðandi rafhlaða fyrir farsíma í heiminum. Fyrirtækið hefur þrátt fyrir það skilað tapi síðastliðin þrjú ár.

Innköllunin bætti ekki úr skák enda lækkaði gengi hlutabréfa í fyrirtækinu um 3,1 prósent þegar greint var frá innkölluninni á föstudag. Gengið stóð í 159 jenum við lokun markað í lok síðustu viku og hafði það ekki verið lægra síðan í september árið 1975.

Þá hefur fyrirtækið slegið út af borðinu áætlanir þess efnis að búa til farsíma í samstarfi við finnska farsímaframleiðandann Nokia.