Búðarþjófur slapp naumlega

Þýskur búðaþjófur slapp úr höndum öryggisvarða, í borginni Mainz, í dag, með aðstoð viðskiptavina,  sem héldu að hún hefði orðið fyrir árás óvandaðra manna.

Öryggisverðirnir höfðu séð til konunnar stela fötum og troða inn á sig. Þegar þeir reyndu að fá hana með sér til þess ræða málið við lögreglu, barðist hún um á hæl og hnakka. Hún beit og sparkaði í öryggisverðina, sem sneru hana þá niður.

Aðrir viðskiptavinir héldu að hún hefði orðið fyrir árás og drógu öryggisverðina burt frá henni. Meðan þeir voru að reyna að útskýra málið, hvarf konan og hefur ekki sést síðan.