BMW með vél ársins

Bílablaðamenn víðs vegar að völdu á dögunum vél ársins. BMW sigraði þriðja árið í röð.

BMW hefur hlotið viðurkenninguna „Vél ársins“ þriðja árið í röð. Dómnefnd skipuð yfir 60 bílablaðamönnum frá 30 löndum ákvað að verðlaunin féllu í skaut BMW fyrir 3,0 lítra twin-turbo vél BMW 325. Vélin fær verðlaunin fyrir að vera ekki bara kraftmikil heldur einnig sparneytin og að forþjöppuhik sé nánast ekkert.

Als sigraði BMW í sjö flokkum af tólf. Volkswagen sigraði í tveimur flokkum með 1,4 lítra TSI vél sinni og 2,0 lítra TFSI. Porsche vann til sinna fyrstu verðlauna frá upphafi valsins og brutust út mikil fagnaðarlæti er kynnt var um val 3,6 lítra twin-turbo vélar þeirra í flokki 3,0 til 4,0 lítra véla.

Eini framleiðandinn utan Þýskalands til að vinna til verðlauna var Toyota. Hann var verðlaunaður fyrir sparneytnustu vélina í, jú mikið rétt, Prius. Hann hlaut einnig verðlaun fyrir vélina í Aygo og Yaris en hana er líka að finna í Peugeot 107 og Citroën C1.