Nýr forstjóri fer fyrir útrás Símans Hólmfríður Helga Sigurðardóttir skrifar 14. nóvember 2007 00:01 Sævar Freyr Þráinsson, nýr forstjóri Símans Meðal þess sem fram undan er hjá Símanum er stóraukið samstarf við hugbúnaðarrisann Microsoft. Fyrsta skrefið var tekið í síðustu viku þegar fyrirtækjum bauðst að leigja gagnahýsingu hjá Símanum með lausnum frá Microsoft. Markaðurinn / Völundur „Við erum markvisst að þróa Símann í þá átt að verða alhliða fjarskipta- og upplýsingafyrirtæki, svokallað ICT-fyrirtæki (information, communication, technology).“ Þetta segir Sævar Freyr Þráinsson, sem nýverið tók við starfi forstjóra Símans. Hann segir fyrirtækið standa vel að vígi til að að ná fram þessum markmiðum. „Við höfum sérstaklega einbeitt okkur að fyrirtækjum með 250 starfsmenn eða færri á Íslandi, í Bretlandi og á Norðurlöndunum. Þetta eru fyrirtæki að íslenskri stærð eins og hafa verið okkar sérstaða um árabil. Við erum því hagvön í þessum geira. Stærri fjarskiptafyrirtækin á þessum svæðum hafa ekki einbeitt sér sérstaklega að þessum fyrirtækjum. Við sjáum þarna greinileg tækifæri sem ætlunin er að grípa.“ Útrásaráherslurnar í Bretlandi og á Norðurlöndunum eru keyrðar undir formerkjum Símans með stuðningi Skipta, móðurfélagi Símans. Skipti eru formlegur eigandi þeirra fyrirtækja sem keypt hafa verið undir útrásarstefnu Símans. „Skipti er fjárfestingararmurinn sem við vinnum með til að ná fram stefnu Símans,“ útskýrir Sævar. Meðal þeirra fyrirtækja sem keypt hafa verið nýlega eru breska fyrirtækið Aerofone, tvö fyrirtæki í Danmörku, Ventelo og Business Phone. Sævar situr í stjórn þeirra allra fyrir hönd Skipta. Hér heima eiga Skipti fyrirtækin Mílu, Já, Skjáinn, Sensa, meirihluta í Trackwell auk smærri hluta ýmissa íslenskra fyrirtækja. Skipti hafa að sögn Sævars breiðari fókus en Síminn. Þau muni í framtíðinni hugsanlega fara út í fjárfestingar á sviðum sem Síminn tengist ekki á beinan hátt. Ýmis tækifæri munu vera fólgin í að samtvinna þjónustuframboð Símans og systurfélaga hans. Skref í þá átt var tekið í síðustu viku þegar sett var í gang þjónusta fyrir fyrirtæki um kaup á hýsingarlausnum frá Microsoft. Í því felst að sögn Sævars mikil hagræðing fyrir fyrirtæki. Þau þurfi ekki lengur að fjárfesta í búnaði sem meðhöndlar tölvupóst starfsmanna í tölvum þeirra eða snjallsímum, svo sem Blackberry. Í staðinn geta þau leigt pláss í gagnahýsingu hjá Símanum. „Það sérstaka í þessu var að við settum þessar lausnir af stað á Íslandi og í Bretlandi á sama deginum. Sama þjónusta verður sett á fót í Danmörku fljótlega. Við erum því þegar farin að breikka þjónustuframboð systurfélaganna sem hingað til hafa eingöngu veitt farsímaþjónustu í Danmörku og Bretlandi. Ætlunin er að færa þau frekar inn í upplýsingatæknina.“ Síminn á í alhliða viðræðum við Microsoft um frekara samstarf. „Þetta er bara fyrsta skrefið í auknu samstarfi okkar við Microsoft,“ segir Sævar. Hann er þó ekki tilbúinn til að gefa upp í hverju það samstarf muni felast. Þess má þó geta að Microsoft er eitt þeirra risafyrirtækja sem orðuð hafa verið við uppbyggingu netþjónabús hér á landi. Sævar tók við stöðu forstjóra Símans af Brynjólfi Bjarnasyni sem nú starfar sem forstjóri Skipta en var um skeið forstjóri beggja félaga. Forstjórarnir vinna náið saman að uppbyggingu félaganna. Þeir sem ekki þekkja sérstaklega vel til innra skipulags Símans kannast ef til vill ekki við nafn Sævars Freys. Þeir eru þó sennilega fáir innan fyrirtækisins sem þekkja hann ekki. Hann er enda enginn nýgræðingur hjá Símanum. Þar hefur hann verið við störf í tólf ár á því sem næst öllum sviðum félagsins. Hann hóf starfsferil sinn í sölumálum og vann sig þaðan upp í starf markaðsstjóra. Hann hefur starfað á sviði lausnaþróunar og gagnaflutninga og tók meðal annars þátt í uppbyggingu á gagnvirku sjónvarpi Símans. Síðar gegndi hann starfi framkvæmdastjóra farsímasviðs og þá framkvæmdastjóra fyrirtækjasviðs Símans, áður en kom að forstjórastólnum. Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira
„Við erum markvisst að þróa Símann í þá átt að verða alhliða fjarskipta- og upplýsingafyrirtæki, svokallað ICT-fyrirtæki (information, communication, technology).“ Þetta segir Sævar Freyr Þráinsson, sem nýverið tók við starfi forstjóra Símans. Hann segir fyrirtækið standa vel að vígi til að að ná fram þessum markmiðum. „Við höfum sérstaklega einbeitt okkur að fyrirtækjum með 250 starfsmenn eða færri á Íslandi, í Bretlandi og á Norðurlöndunum. Þetta eru fyrirtæki að íslenskri stærð eins og hafa verið okkar sérstaða um árabil. Við erum því hagvön í þessum geira. Stærri fjarskiptafyrirtækin á þessum svæðum hafa ekki einbeitt sér sérstaklega að þessum fyrirtækjum. Við sjáum þarna greinileg tækifæri sem ætlunin er að grípa.“ Útrásaráherslurnar í Bretlandi og á Norðurlöndunum eru keyrðar undir formerkjum Símans með stuðningi Skipta, móðurfélagi Símans. Skipti eru formlegur eigandi þeirra fyrirtækja sem keypt hafa verið undir útrásarstefnu Símans. „Skipti er fjárfestingararmurinn sem við vinnum með til að ná fram stefnu Símans,“ útskýrir Sævar. Meðal þeirra fyrirtækja sem keypt hafa verið nýlega eru breska fyrirtækið Aerofone, tvö fyrirtæki í Danmörku, Ventelo og Business Phone. Sævar situr í stjórn þeirra allra fyrir hönd Skipta. Hér heima eiga Skipti fyrirtækin Mílu, Já, Skjáinn, Sensa, meirihluta í Trackwell auk smærri hluta ýmissa íslenskra fyrirtækja. Skipti hafa að sögn Sævars breiðari fókus en Síminn. Þau muni í framtíðinni hugsanlega fara út í fjárfestingar á sviðum sem Síminn tengist ekki á beinan hátt. Ýmis tækifæri munu vera fólgin í að samtvinna þjónustuframboð Símans og systurfélaga hans. Skref í þá átt var tekið í síðustu viku þegar sett var í gang þjónusta fyrir fyrirtæki um kaup á hýsingarlausnum frá Microsoft. Í því felst að sögn Sævars mikil hagræðing fyrir fyrirtæki. Þau þurfi ekki lengur að fjárfesta í búnaði sem meðhöndlar tölvupóst starfsmanna í tölvum þeirra eða snjallsímum, svo sem Blackberry. Í staðinn geta þau leigt pláss í gagnahýsingu hjá Símanum. „Það sérstaka í þessu var að við settum þessar lausnir af stað á Íslandi og í Bretlandi á sama deginum. Sama þjónusta verður sett á fót í Danmörku fljótlega. Við erum því þegar farin að breikka þjónustuframboð systurfélaganna sem hingað til hafa eingöngu veitt farsímaþjónustu í Danmörku og Bretlandi. Ætlunin er að færa þau frekar inn í upplýsingatæknina.“ Síminn á í alhliða viðræðum við Microsoft um frekara samstarf. „Þetta er bara fyrsta skrefið í auknu samstarfi okkar við Microsoft,“ segir Sævar. Hann er þó ekki tilbúinn til að gefa upp í hverju það samstarf muni felast. Þess má þó geta að Microsoft er eitt þeirra risafyrirtækja sem orðuð hafa verið við uppbyggingu netþjónabús hér á landi. Sævar tók við stöðu forstjóra Símans af Brynjólfi Bjarnasyni sem nú starfar sem forstjóri Skipta en var um skeið forstjóri beggja félaga. Forstjórarnir vinna náið saman að uppbyggingu félaganna. Þeir sem ekki þekkja sérstaklega vel til innra skipulags Símans kannast ef til vill ekki við nafn Sævars Freys. Þeir eru þó sennilega fáir innan fyrirtækisins sem þekkja hann ekki. Hann er enda enginn nýgræðingur hjá Símanum. Þar hefur hann verið við störf í tólf ár á því sem næst öllum sviðum félagsins. Hann hóf starfsferil sinn í sölumálum og vann sig þaðan upp í starf markaðsstjóra. Hann hefur starfað á sviði lausnaþróunar og gagnaflutninga og tók meðal annars þátt í uppbyggingu á gagnvirku sjónvarpi Símans. Síðar gegndi hann starfi framkvæmdastjóra farsímasviðs og þá framkvæmdastjóra fyrirtækjasviðs Símans, áður en kom að forstjórastólnum.
Héðan og þaðan Mest lesið ORA svarar fyrir fiskbúðinginn: „Stundum þarf bara pung í að gera breytingar“ Neytendur Segir stjórnendur ætla að skilja skuldirnar eftir á Íslandi Viðskipti innlent „Hef engar upplýsingar um að eitthvað óeðlilegt hafi átt sér stað“ Viðskipti innlent 208 sagt upp í fimm hópuppsögnum Viðskipti innlent Samkaup eignast 38 prósenta hlut í Kjötkompaní Viðskipti innlent Einn stofnenda Play og Leifur í framkvæmdastjórn Icelandair Viðskipti innlent Íþróttafræðin inn á vinnustaðinn: Yfirmenn ekki lengur alvitri einhyrningurinn Atvinnulíf Eiríkur Orri til Ofar Viðskipti innlent Spá óbreyttum stýrivöxtum í næstu viku Viðskipti innlent Kaupfélagið á bak við risaviðskipti í Iceland Seafood Viðskipti innlent Fleiri fréttir Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Hvetur stjórnvöld til að veita ferðaskrifstofum lán eins og í Covid Búið að greiða laun og barnabætur Stefna á að hefja starfsemi á Möltu innan tíu vikna Snaps teygir anga sína út á Hlemm „Það er svo langt síðan að við höfðum ekki trú á Play“ Arnar Þór og Unnur Lilja skipta búi Play Bændaferðir færa sig í skemmtiferðasiglingar Fallið frá kröfum um neyðarfjarskipti á hálendinu Play með sex prósent flugsæta til og frá landinu Hrun í makríl og kolmunna Fall Play áfall en að einhverju leyti fyrirséð Segir ekki honum að kenna að Play hafi farið á hausinn Sjá meira