Kaþólska kirkjan þolir ekki grínþátt

Leiðtogi kaþólsku kirkjunnar í Litháen segir að kirkjan muni höfða mál á hendur sjónvarpsstöðinni MTV-Litháen vegna teiknimyndaflokksins "Páfabær" sem hann segir að hæðist að páfanum og öllum kaþólskum Litháum.

Í þáttunum er páfinn sýndur sem 77 ára gamall ístrubelgur sem hoppar um á gormastöng og lítur til með kardinálum sem eru stöðugt að búa til einhver samsæri. Talsmaður MTV segir að þættirnir séu aðeins listræn satíra, og ekkert annað. Hvorki sé gerð tilraun til þess að hæðast að trúnni né Guði sjálfum.

Í þáttunum er páfinn sýndur sem 77 ára gamall ístrubelgur sem hoppar um á gormastöng og lítur til með kardinálum sem eru stöðugt að búa til einhver samsæri. Talsmaður MTV segir að þættirnir séu aðeins listræn satíra, og ekkert annað. Hvorki sé gerð tilraun til þess að hæðast að trúnni né Guði sjálfum.