Merkel ver evruna

Angela Merkel, kanslari Þýskalands segist hafa áhyggjur af umræðu um evruna, í Frakklandi, en þar er gjaldmiðlinum kennt um meintar verðhækkanir þegar hún var tekin upp. Merkel vill að evrunni verði haldið utan við pólitíska umræðu.

Það verða forsetakosningar í Frakklandi í apríl og maí, í sumar og nokkrir frambjóðendanna hafa beint spjótum sínum að evrunni og Seðlabanka Evrópu, sem þeir segja að hafi einblínt á verðbólguna, frekar en örva hagvöxt og skapa atvinnu.

Merkel sagði að evran hefði fært ríkjum Evrópu gríðarlegar hagsbætur, og að seðlabankinn verði að fá að halda sjálfstæði sínu gagnvart pólitískum átökum.