Kastró kom fram í útvarpi

Forseti Kúbú, Fídel Kastró, talaði í útvarpsávarpi til þjóðar sinnar í gær. Hann kom fram í daglegum útvarpsþætti Hugo Chavezar, forseta Venesúela. Fídel sagðist aðspurður vera að ná sér og sagðist finna styrk sinn aukast daglega.

Kastró veiktist hastarlega í júlí á síðasta ári og hefur ekki sést opinberlega síðan þá. Hann sagði að veikindi sín hefðu gert sér kleift að lesa meira og taka því rólega. Kastró ræddi þó ekkert hvort eða hvenær hann hyggðist taka við völdum á ný. Bróðir Kastró, Raúl, hefur gegnt störfum forseta á meðan hann hefur verið veikur.