Hargreaves kominn til Manchester United

Manchester United staðfesti í dag að Owen Hargreaves, leikmaður Bayern Munich, muni ganga til liðs við þá þann 1. júlí næstkomandi. Enn hefur ekki verið sagt frá því hversu hátt kaupverðið var en talið er að það sé í kringum 17 milljónir punda.

Hargreaves hefur þegar sæst á skilmála og staðist læknisskoðun svo hann á aðeins eftir að skrifa undir samnninginn, en talið er að hann verði fimm ára langur. Búist er við því að Hargreaves skrifi undir í lok júní þegar hann snýr aftur úr sumarleyfi.