Hikk hikk húrra

Margir Svíar eru ærir af gleði yfir því að Evrópudómstóllinn komst að þeirri niðurstöðu að sænska ríkið hefði ekki heimild til þess að banna einstaklingum að kaupa áfengi á netinu. Einni klukkustund eftir að fregnirnar bárust höfðu yfir 13000 manns tekið þátt í skoðanakönnun sænska Aftenposten um hvort þetta væru góðar eða slæmar fréttir. Um 75 prósent sögðust mundu versla á netinu.

Það bárust einnig margar athugasemdir. Eins og; "til hamingju," og "naglinn í líkkistu Systembolaget." Systembolaget er ÁTVR þeirra Svía. Aðrir voru ekki vissir um að þetta skipti máli, þar sem áfengisskattarnir í Svíþjóð verða einnig lagðir á innflutning einkaaðila.

Og svo voru auðvitað þeir sem hafa áhyggjur af því að börn og unglingar eigi nú greiðari aðgang að áfengi.