Vélmenni með tilfinningar

Japanska vélmenninu Kansei finnst sushi gott, hann frýs þegar hann heyrir orðið sprengja og er illa við forsetann.

Það er rannsóknarteymi í japönskum háskóla sem hefur hannað Kansei. Hann getur kallað fram 36 mismunandi andlitsdrætti sem byggja á gagnabanka með 500.000 lykilorðum.

Þegar Kansei heyrir lykilorðin sem eru á ensku sýnir hann gleði, sorg eða reiði með viðeigandi andlitsdráttum.

„Við erum að reyna að skapa meðvitund fyrir vélmenni svo þau geti tjáð viðeigandi andlitsdrætti. Ég trúi því að þetta sé lykillinn að því að bæta samskipti vélmenna og manna," segir Junichi Takeno, verkefnastjóri hjá Meiji háskólanum.