Heimtar pening fyrir lík herflugmanna

Þýskur bóndi neitar að leyfa breskri fjölskyldu um leyfi til þess að sækja lík ættingja úr flugvél sem var skotin niður yfir landi hans í síðari heimsstyrjöldinni. Nema fjölskyldan borgi honum tæpar 700 þúsund krónur. Ættingin var flugmaður á Lancaster sprengjuflugvél sem fór í árásarferð til Þýskalands 25. ágúst árið 1944.

Eftir að vélin hrapaði niður á land þýska bóndans safnaði staðarfólk saman líkamsleifum sem voru grafin í sameiginlegri gröf. Síðar kom í ljós að eitthvað af líkum áhafnarinnar varð eftir í flugvélarflakinu. Það er nú meira og minna niðurgrafið og þakið gróðri. Horst Bender, sem á landið, veitti í fyrstu leyfi til þess að vélin yrði grafin upp. Svo skipti hann um skoðun og krafðist fébóta fyrir.

Bender segir að skemmdir verði unnar á landinu til þess að grafa vélina upp og ná líkunum út. Hann hafi ekkert á móti því að ættingjar fái jarðneskar leifar ástvina sinna, en einhver verði að bæta honum tjónið.