Íslendingar taka við rekstri Ratsjárstofnunar

Íslendingar taka í dag við rekstri Ratsjárstofnunar af Bandaríkjamönnum og þar með rekstri íslenska loftvarnakerfisins. Er það í samræmi við samninga Íslendinga og Bandaríkjamanna sem gerðir voru við brotthvarf Bandaríkjahers frá Íslandi í fyrra.

Ratstjárstofnun starfrækir fjórar ratstjárstöðvar í landinu, eina í hverjum landsfjórðungi auk stjórnstöðvar á Miðnesheiði. Til stendur að endurskipuleggja starfsemi stofnunarinnar með það fyrir augu að draga úr kostnaði við rekstur hennar og hefur því verið ákveðið að segja öllum starfsmönnum hennar upp, alls 47 manns. Þó er reiknað er með því að flestir þeirra verði endurráðnir.

Auk þess verður öllum samningum stofnunarinnar sagt upp. Enn fremur liggur fyrir það verkefni að samræma íslenska loftvarnakerfið evrópsku loftvarnakerfi NATO.