Ryanair rukkar meira

Flugfélög hafa löngum verið lagin við að finna sér matarholur. Lággjaldafyrirtækið Ryanair er nú búið að finna enn eitt gjaldið til þess að leggja á farþega sína. Frá og með tuttugusta september verða farþegarnir að greiða 200 króna aukagjald fyrir að fá að fara um borð í flugvélina sem þeir eiga að ferðast með.

Ryanair kallar þetta gjald fyrir afnot af af aðstöðu í flughöfninni. Hægt er að sleppa við þetta gjald með því að skrá sig í flugið heima, í gegnum tölvu. Ryanair segir að það sé einmitt tilgangurinn með gjaldinu að fá fólk til að innrita sig heima. Ryanair er stærsta lággjaldaflugfélag í Evrópu.