Á skilið að deyja fyrir að eyðileggja orðstír Tælands

Tælenskur maður hefur verið dæmdur til dauða fyrir að myrða tvær rússneskar konur sem sátu á Pattaya ströndinni og fylgdust með sólarupprásinni. Morðin voru framin í febrúar síðastliðnum. Ekki hefur verið gefin ástæða fyrir ódæðinu, ef hún var þá einhver. Ofursti í Tælensku lögreglunni sagði að morðinginn ætti dauðadóminn skilið fyrir að hafa eyðilagt orðstír landsins.

Morðinginn var látinn laus gegn tryggingu í janúar síðastliðnum, fyrir að hafa rænt ferðamanna frá Suður-Kóreu. Hann var að bíða dóms fyrir það brot þegar hann myrti rússnesku konurnar. Borin voru kennsl á hann eftir myndum úr eftirlitsmyndavél.