Julio Cruz framlengir við Inter

Julio Cruz, sóknarmaður Inter, hefur framlengt samningi sínum við liðið til 2009. Þessi 32 ára leikmaður skoraði sjö mörk í fimmtán leikjum á síðasta leiktímabili en hann átti við meiðsli að stríða.

Talið var að tímar Cruz hjá Inter væru taldir eftir að liðið keypti David Suazo í sumar. Hann var þó hæstánægður með að skrifa undir samning í dag. Annars er það að frétta af Inter að varnarmaðurinn Francesc Coco hefur verið leystur undan samningi.

Coco mun líklega halda í bandarísku atvinnumannadeildina en New York Red Bulls og New England Revolution hafa boðið honum samning.