Juventus á eftir Eiði Smára?

Eiður Smári Guðjohnsen hefur nú verið orðaður við enn eitt stórliðið, Juventus á Ítalíu.

Staða Eiðs Smára hjá Barcelona er ekki sterk og því hefur hann þrálátlega verið orðaður við önnur lið víða um Evrópu.

Juventus er nýjasta viðbótin við þá flóru en áður hefur hann verið sterklega orðaður við West Ham, Manchester United, Portsmouth, Lyon og Fenerbahce svo einhver séu nefnd.

Félagaskiptaglugginn opnar ekki aftur fyrr en um næstu áramót og verður Eiður hjá Barcelona þangað til, að minnsta kosti.