Ronaldinho vill frekar fara til Milan

Ítalska blaðið Gazzetta dello Sport heldur áfram að kynda undir orðróm um að Ronaldinho sé á leið frá Barcelona þrátt fyrir að forráðamenn Katalóníufélagsins hafi gefið út að hann fari ekki fet.

Gazzetta segir í dag að aðeins tvö félög í heiminum hafi bolmagn til að kaupa Ronaldinho frá Barcelona og það séu Chelsea og AC Milan. Blaðið fullyrðir að Silvio Berlusconi forseti AC sé þegar farinn að safna í 70 milljón punda sjóð til að kaupa brasilíska snillinginn og að hann muni fá 7 milljónir punda í vikulaun hjá Milan.

Þá er því haldið fram að Ronaldinho vilji mun frekar spila með Milan en Chelsea af því veðurfar og menning á Ítalíu séu mun nærri því sem hann á að venjast - og svo vegna þess að hjá Milan séu þegar fyrir hvorki fleiri né færri en átta landar hans.