Woolworths: Risaeðla í útrýmingarhættu 21. júní 2008 13:00 Leið bresku verslanakeðjunnar Woolworths hefur legið niður á við síðustu sex ár. Verslunin, sem á rætur að rekja til Bandaríkjanna, fagnar aldarafmæli á næsta ári. Breska dagblaðið Telegraph telur ólíklegt að þau verði mikið fleiri. Telegraph dregur upp dökka mynd af Woolworths í blaðinu í gær. Rifjuð eru upp glæsilegt saga verslunarinnar á sjötta og sjöunda áratug síðustu aldar. Sólin hafi hins vegar tekið að hníga til viðar með stórstígum framförum í verslun í Lundúnum fyrir sex árum. Stjórnendur Woolworths hafi ekki fylgt þróuninni og sé verslunin nú sem risaeðla í útrýmingarhættu í aðalverslunargötu höfuðborgarinnar. Í vikunni var ákveðið að Trevor Bish-Jones, forstjóri verslunarinnar, myndi hverfa úr stólnum fyrir nýjan. Blaðið kennir honum um þróun mála enda vegur verslunarinnar dalað hratt síðan hann tók við fyrir sex árum. Forveri Bish-Jones eigi sömuleiðis hlut að máli, að sögn blaðsins sem telur brotthvarf hans skref í rétta átt þótt það hafi verið fullseint stigið. Afar hörðum orðum er farið um verslunina í blaðinu og hún sögð líkjast eggjaskurn, svo fátæklegt sé vöruúrvalið innandyra. Verslanir Woolworths í Bretlandi eru 800 talsins. Tekjur nema 1,7 milljörðum punda en hagnaður lítill ef enginn. Þá fer tíu prósenta sneið af tekjum til greiðslu leigu, sem Telegraph segir óásættanlegt. Blaðið bendir á að hluthafar stórmarkaðarins hafi tapað nærri 85 prósentum af fjárfestingu sinni á þremur árum. Baugur flaggaði þriggja prósenta hlut í Woolworths í desember árið 2005. Það á nú um tíu prósent í gegnum eignarhaldsfélagið Unity Investments ásamt FL Group og breska fjárfestinum Kevin Stanford. Það hefur lengi þrýst á uppskiptingu verslunarinnar í smásölu og heildsölu með það fyrir augum að bæta afkomu hennar. Þá er þess skemmst að minnast þegar Jón Ásgeir Jóhannesson, þáverandi forstjóri Baugs, gagnrýndi stjórnendur Woolworths opinberlega á síðum breska viðskiptablaðsins Financial Times í fyrra fyrir óráðsíu og slælega frammistöðu. Tilefni gagnrýninnar var áætlun stjórnar Woolworths að endurnýja 800 verslanir á sama tíma og viðskiptavinum fækkaði og sala hefði dregist saman. Sagði Jón að fyrirtækið gæti lent í vandræðum vegna þessara fyrirætlana. Gengi bréfa í versluninni stóð í um 36 pensum á hlut um það leyti sem Baugur flaggaði þriggja prósenta hlutnum árið 2005. Það þýðir þó ekki að félagið hafi keypt hann á því gengi. Lægst fór það í rétt rúm 30 pens í enda sumars sama ár. Gengið féll um rúm 6,3 prósent í gær og endaði í 8,35 pensum á hlut. Erlent Fréttir Viðskipti Mest lesið Enginn bragur af verðhækkunum Icelandair Neytendur Omnom gjaldþrota og kröfuhafar uggandi Viðskipti innlent Veitingastaðurinn opinn en lónið opnar síðar Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Fyrsta íslenska grænkera ostagerðin í hættu Viðskipti innlent Innbú Play til sölu: Gæti aflað búinu fjórtán milljóna króna Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Norðlensk framleiðsla sem er að slá í gegn á Íslandi Samstarf Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira
Leið bresku verslanakeðjunnar Woolworths hefur legið niður á við síðustu sex ár. Verslunin, sem á rætur að rekja til Bandaríkjanna, fagnar aldarafmæli á næsta ári. Breska dagblaðið Telegraph telur ólíklegt að þau verði mikið fleiri. Telegraph dregur upp dökka mynd af Woolworths í blaðinu í gær. Rifjuð eru upp glæsilegt saga verslunarinnar á sjötta og sjöunda áratug síðustu aldar. Sólin hafi hins vegar tekið að hníga til viðar með stórstígum framförum í verslun í Lundúnum fyrir sex árum. Stjórnendur Woolworths hafi ekki fylgt þróuninni og sé verslunin nú sem risaeðla í útrýmingarhættu í aðalverslunargötu höfuðborgarinnar. Í vikunni var ákveðið að Trevor Bish-Jones, forstjóri verslunarinnar, myndi hverfa úr stólnum fyrir nýjan. Blaðið kennir honum um þróun mála enda vegur verslunarinnar dalað hratt síðan hann tók við fyrir sex árum. Forveri Bish-Jones eigi sömuleiðis hlut að máli, að sögn blaðsins sem telur brotthvarf hans skref í rétta átt þótt það hafi verið fullseint stigið. Afar hörðum orðum er farið um verslunina í blaðinu og hún sögð líkjast eggjaskurn, svo fátæklegt sé vöruúrvalið innandyra. Verslanir Woolworths í Bretlandi eru 800 talsins. Tekjur nema 1,7 milljörðum punda en hagnaður lítill ef enginn. Þá fer tíu prósenta sneið af tekjum til greiðslu leigu, sem Telegraph segir óásættanlegt. Blaðið bendir á að hluthafar stórmarkaðarins hafi tapað nærri 85 prósentum af fjárfestingu sinni á þremur árum. Baugur flaggaði þriggja prósenta hlut í Woolworths í desember árið 2005. Það á nú um tíu prósent í gegnum eignarhaldsfélagið Unity Investments ásamt FL Group og breska fjárfestinum Kevin Stanford. Það hefur lengi þrýst á uppskiptingu verslunarinnar í smásölu og heildsölu með það fyrir augum að bæta afkomu hennar. Þá er þess skemmst að minnast þegar Jón Ásgeir Jóhannesson, þáverandi forstjóri Baugs, gagnrýndi stjórnendur Woolworths opinberlega á síðum breska viðskiptablaðsins Financial Times í fyrra fyrir óráðsíu og slælega frammistöðu. Tilefni gagnrýninnar var áætlun stjórnar Woolworths að endurnýja 800 verslanir á sama tíma og viðskiptavinum fækkaði og sala hefði dregist saman. Sagði Jón að fyrirtækið gæti lent í vandræðum vegna þessara fyrirætlana. Gengi bréfa í versluninni stóð í um 36 pensum á hlut um það leyti sem Baugur flaggaði þriggja prósenta hlutnum árið 2005. Það þýðir þó ekki að félagið hafi keypt hann á því gengi. Lægst fór það í rétt rúm 30 pens í enda sumars sama ár. Gengið féll um rúm 6,3 prósent í gær og endaði í 8,35 pensum á hlut.
Erlent Fréttir Viðskipti Mest lesið Enginn bragur af verðhækkunum Icelandair Neytendur Omnom gjaldþrota og kröfuhafar uggandi Viðskipti innlent Veitingastaðurinn opinn en lónið opnar síðar Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Fyrsta íslenska grænkera ostagerðin í hættu Viðskipti innlent Innbú Play til sölu: Gæti aflað búinu fjórtán milljóna króna Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Norðlensk framleiðsla sem er að slá í gegn á Íslandi Samstarf Fleiri fréttir Rúmlega þriðjungs samdráttur í olíuvinnslu í Rússlandi Burger King opnar fyrsta staðinn á Grænlandi Eigandinn hættir sem forstjóri Trump setur tolla á lyf, vörubíla og húsgögn Murdoch-feðgar verði meðal kaupenda TikTok Ben kveður Jerry Nálgast samkomulag um TikTok Breytingar hjá Microsoft koma fyrirtækinu hjá sektum Ellison klórar í hælana á Musk Danski lyfjarisinn að baki Ozempic segir upp þúsundum manna Útvaldi sonurinn tryggir sér stjórn Murdoch-veldisins Vilja að Musk fái allt að 122 billjónir á næsta áratug Vara við „Lafufu“ Framkvæmdastjóri Nestlé látinn fara í kjölfar ástarsambands Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent