Hamilton á ráspól eftir frábæran lokahring

Breski ökuþórinn Lewis Hamilton verður á ráspól í Montreal kappakstrinum í Formúlu 1 annað árið í röð, eftir að hann skilaði frábærum lokahring í tímatökunum í dag.

Robert Kubica hjá BMW náði öðrum besta tímanum, en lengi leit út fyrir að hann yrði á ráspól í Kanada á morgun - þar til Hamilton toppaði tíma hans um meira en hálfa sekúndu á frábærum lokahringnum.

Kimi Raikkönen hjá Ferrari náði þriðja besta tíma og Fernando Alonso náði að skjóta sér í fjórða sætið á undan Nico Rosberg, sem náði besta tíma á síðustu æfingunni fyrir tímatökur.

Hér fyrir neðan má sjá tíma 10 fremstu manna:

1. Lewis Hamilton, McLaren - Mercedes 1:17.886

2. Robert Kubica, BMW Sauber 1:18.498

3. Kimi Raikkonen, Ferrari 1:18.735

4. Fernando Alonso, Renault 1:18.746

5. Nico Rosberg, Williams 1:18.844

6. Felipe Massa, Ferrari 1:19.048

7. Heikki Kovalainen, McLaren 1:19.089

8. Nick Heidfeld, BMW Sauber 1:19.633

9. Rubens Barrichello, Honda 1:20.848

10. Mark Webber, Red Bull - Renault 1:17.523