Rannsókn á morði Hrafnhildar að ljúka

Lögregla í Dóminíska lýðveldinu er við það að ljúka rannsókn á morðinu á Hrafnhildi Lilju Georgsdóttur og sendir málið til saksóknara í dag eða á morgun. Ekki liggur fyrir hvort einn eða fleiri verða ákærðir fyrir morðið.

Þrír eru enn í haldi lögreglunnar í Pouerto Plata í Dóminíska lýðveldinu. Í lögregluskýrslum sem fréttastofan hefur undir höndum, segir maðurinn sem er grunaður um að hafa banað Hrafnhildi Lilju, að hann hafi ekki þekkt hana nema í sjón, áður en hann fór með henni heim til hennar á föstudagskvöldið.

Að auki eru karl og kona í haldi en þessi þrjú þekktu öll hvort annað, samkvæmt upplýsingum að sögn Calderon Rafael lögreglustjóra, sem stýrir rannsókninni.