Wembley orðið að kappakstursvelli

Wembley er sögufrægt nafn í knattspynuheiminum, bæði nýji og gamli völlurinn eru heimsfræg fyrir fjölmarga landsleiki og úrslitaleiki. En í dag er búið að breyta grasinu í kappakstursvöll á nýja Wembley vellinum.

Verður brautin prófuð í dag ásamt tímatökubúnaði, til að sannreyna að smíði  brautarinnar hafi heppnast sem skyldi. Síðan munu 18 ökumenn spretta úr spori á sunnudaginn á alskyns kappaksturstækjum.

Búist er við miklum fjölda áhorfenda, ekki síst vegna þess að Lewis Hamilton verður með tvö sýningaratriði á keppnisdag. Hann getur ekki keppt þar sem hann er tilnefndur sem íþrótttamaður ársins og er sérstök útsending hjá BBC um kvöldið sem hindrar þátttöku hans.

Meistaramót ökumanna laðar að sér 18 af bestu ökumönnum heims í kappakstri og rallakstri. Verður mótiið í beinni útsendingu á Stöð 2 Spoort kl. 14.00 á sunnudaginn.

Þeir ökumenn sem eru skráðir eru:

Michael Schumacher, Sebastin Loeb, Sebastian Vettel, David Coulthard, Travis Pastrana, Jenson Button, Yvan Muller, Troy Bayliss, Adam Caroll, Gareth McHale, Tom Kristensen, Mathias Ekström, Carl Edwards og Yvan Muller.

Enn á eftir að fylla skarð Mark Webber, sem fótbrotnaði á reiðhjóli á dögunum.