Ólympíumeistari keppir við Hamilton á Wembley

Þrefaldur Olympíumeistari í hjólreiðum, Bretinn Chris Hoy mun prófa kappaksttursbrautina sem verið er að leggja á Wembley  í dag, en hann mætir Lewis Hamilton á 670 hestafla Mercedes Benz í sýningaratriði í upphafi mótsins Race of Champions á sunnudag.

Verið er að leggja lokahönd á Wembley í dag sem kappakstursvöll. Búið er að malbika tvær samhliða brautir á grasvöllinn fyrir meistaramót ökumanna um næstu helgi.

Chris Hoy fær fljúgandi start, en Hamilton þarf að ræsa af stað úr kyrrstöðu, en þeir munu

taka nokkra hringi um brautina og skiptast á samhliða brautunum.

Hamilton mun síðan keyra McLaren Formúlu 1 bíl um brautina, en síðan fara fram tvö sjálfstæð mót þar sem margir af bestu ökumönnum heims mætast í útlsáttarkeppni. Meðal keppenda eru Michael Schumacher og Sebastian Vettel, sem unnu mótið í fyrra.

Meistaramót ökumanna er í beinni útsendingu á Stöð 2 Sport og hefst dagskráin kl. 14.00 á spyrnu Hamiltons og Hoy.