Ramos stoltur af áhuga United

Varnarmaðurinn Sergio Ramos er nú orðaður við Evrópumeistara Manchester United. Ramos sagði í viðtali við spænska útvarpsstöð að hann væri stoltur af áhuga United og mál myndu skýrast frekar eftir Evrópumótið.

„Það er viðurkenning fyrir mig þegar stórlið sýna mér áhuga. Í augnablikinu er ég þó ekkert að hugsa út í þetta. Ég er með góðan samning við Real Madrid og er að einbeita mér að spænska landsliðinu núna," sagði Ramos. „Við skulum sjá hvað gerist eftir Evrópumótið."

Sergio Bravo, umboðsmaður Ramos, gerði lítið til að kveða niður þessar sögur. „Það er satt að ég var á Englandi á mánudag. Ég hef gott samband við Manchester United og sá meðal annars um söluna á markverðinum Ricardo þangað," sagði Bravo.