Apar borga fyrir kynlíf

Ný rannsókn á villtum öpum í Indónesíu hefur leitt í ljós að karlapar borga fyrir kynlíf.

Borgunin felst í því að hreinsa feld viðkomandi kvendýrs með því að tína af honum lýs. Michael Grumert fylgdist með hinum halalöngu makak-öpum um tuttugu mánaða skeið.

Fimmtíu dýr voru í hópnum sem Grumert fylgdist með. Alkunna er að dýr hreinsa feld hvers annars, en Grumert uppgötvaði að oft þegar karlapar höfðu aflúsað kvenapa hófst villt kynlíf.

Hann fór að gefa þessu fyrirbæri gaum og komst að þeirri niðurstöðu að vændi þrifist líka í dýraríkinu.