Lék með HK skömmu fyrir fyllerísferðina til Bolton

Í gær sagði Vísir frá sögu Danny Brown sem fyrir tíu árum síðan fór til reynslu hjá Bolton en klúðraði stóra tækifærinu með því að detta ærlega í það.

Brown var þá leikmaður Leyton Orient en fyrr um sumarið var hann lánaður til HK sem lék þá í 1. deildinni. Brown tók þátt í sjö leikjum með liðinu en fór svo aftur til Leyton Orient um miðjan júlí.

Í bókinni Íslensk knattspyrna 1998 segir að Brown hafi verið kallaður aftur til félagsins vegna fyrirhugaðar sölu hans.

Brown sagði í viðtali við The Sun að hann hefði klúðrað tækifæri sínu hjá Bolton með því að skrifa mikið magn af áfengi á hótelreikninginn sinn fyrir sig og félaga sína.

Í næsta herbergi var Eiður Smári Guðjohnsen sem var þá að stíga sín fyrstu skref með Bolton. Honum svíði enn þegar hann sér Eið Smára í leik með Barcelona en Brown er í dag fyrirliði utandeildarliðsins Cambridge United.