Landstjórn Færeyja hélt velli

Þjóðveldisflokkurinn sigraði í þingkosningunum í Færeyjum í gær en flokkurinn fékk rúmlega 23 prósent fylgi og átta þingsæti.

Stjórnarflokkarnir þrír töpuðu allir fylgi en héldu þó meirihluta sínum. Úrslitin koma nokkuð á óvart enda höfðu allar spár bent til þess að stjórnarflokkarnir myndu jafnvel bæta við sig fylgi.

Kosningaþáttaka var góð eða 89,2 prósent. Mikil endurnýjun varð á þingmönnum og komu 14 nýir inn en alls sitja 33 á færeyska lögþinginu. Þá jókst hlutfall kvenna á þinginu um meira en helming. Voru áður þrjár en verða sjö.