McLaren ökumönnum ekki mismunað

Þrátt fyrir mikla orrahríð í fyrra á milli Lewis Hamilton og Fernando Alonso, þá munu Hamilton og Heikki Kovalainen vera jafn réttháir innan McLaren liðsins á þessu ári.

Kovalainen kvaðst hafa ráðið sig með þeim formerkjum og það stendur í huga Ron Dennis hjá McLaren.

,,Við ætlum að þjóna ökumönnum okkar jafrn mikið og slíkt höfum við alltaf gert. Hamilton og Kovalainen eru sáttir við þá hugmynd og veit að þeir verða keppinautar en munu líka vinna saman," sagði Dennis.

,,Kovalainen er mjög þægilegur náungi í daglegri umgengni og vinnur hörðum höndum að því að bæta sig. Hann stóð sig vel í fyrra og hefur staðið sig vel á æfingum með McLaren. Ég veit að Hamilton vill verða meistari og tel að hann verði enn betri í ár, en í fyrra. Hamilton vann fjögur mót í fyrra og var einu stigi frá titlinum. Hann er bara 23 ára og er fullur af orku og hefur nægan tíma til að ná settu marki," sagði Dennis.