ESB vill selja meira lambakjöt

Þau ríki Evrópusambandsins sem mest framleiða af lambakjöti vilja fá peninga frá sambandinu til þess að auglýsa vöru sína.

Það á meðal annars að hjálpa sauðfjárbændum í samkeppninni við Nýja Sjáland.

Nýsjálendingar flytja út meira af lambakjöti en nokkuð annað land í heiminum. Og þeir hafa lagt áherslu á að gera Evrópusambandið að sínu helsta markaðssvæði.

Írar eru í fararbroddi ESB ríkja sem vilja fá peninga til þess að hefja auglýsingaherferð fyrir evrópsku landakjöti.

Þessi ríki vilja bæði stækka sinn hluta af markaðinum og auka neyslu í sambandsríkjunum.

Frakkar eru miklar lambakjötsætur, en þar hefur neyslan dregist saman um 20 prósent á síðustu fimm árum.