Elizabeth Taylor sögð við dauðans dyr

Leikkonan Elísabet Taylor á ekki langt eftir ólifað að sögn bandaríska blaðsins National Enquierer. Líffæri hennar eru sögð vera að gefa sig.

Leikkonan verður 76 ára gömul í næstu viku. Heimildarmenn blaðsins segja að ástæðan fyrir því að líffæri hennar eru að gefa sig sé sú helst að hún hafi áratugum saman þurft að taka sterk verkjalyf við verkjum í baki og mjöðmum.

Þeir segja einnig að hún hafi hafnað því að fara í nýrnavél til að hreinsa blóð sitt.

Líkami hennar sé að hætta að starfa og hún vilji ekki láta halda sér lifandi með vélum.

Stjarnan úr Kleópötru tekur líffæraflutninga heldur ekki í mál samkvæmt heimildum blaðsins.