Mancini íhugar að hætta

Roberto Mancini þjálfari Inter sagði í gærkvöld að hann reiknaði með að vera á sínu síðasta tímabili með liðið. Inter féll úr leik í Meistaradeildinni eftir 1-0 tap gegn Liverpool.

"Ég á enn fjögur ár eftir af samningi mínum en ég hugsa að þetta verði mitt síðasta ár hjá Inter. Ég hef sagt strákunum það og mér fannst rétt að segja öllum það. Þetta er ákvörðun sem ég hef tekið og það hefur ekkert með tapið í kvöld að gera," sagði Mancini.

Forseti Inter hafði lýst því yfir í viðtali nokkrum dögum áður að Mancini væri einn besti þjálfari í sögu félagsins.