Veldu 10 bestu leikmenn Íslands

Stöð 2 Sport 2 mun í samvinnu við KSÍ framleiða sjónvarpsþætti um 10 bestu knattspyrnumenn Íslands frá 1946-2008. Byrjað verður að sýna þættina, sem verða í umsjá Arnars Björnssonar, í maí og mun sýningum ljúka í lok júlí.

Að þeim loknum gefst almenningi kostur á að velja besta knattspyrnumann Íslands hér á visir.is. Nú stendur hins vegar yfir kosning á visir.is á hverjir þessir tíu bestu eru.

Sjö manna dómnefnd hefur fundið til tuttugu leikmenn og getur almenningur kosið um það hvaða tíu leikmenn verða þess heiðurs aðnjótandi að fá heilan sjónvarpsþátt um sig. Í október verður síðan galaveisla þar sem valinn verður besti knattspyrnumaður Íslands.

Þú getur kosið tíu bestu leikmennina á forsíðu Vísis eða með því að smella hér.