Róttækar breytingar á Formúlu 1

FIA tilkynnti í dag róttækar breytingar á Formúlu 1 á næstu árum, sem spara á keppnisliðum 30% á næsta ári og enn meira árin þar á eftir.

Breytingarnar ná bæði til keppnisreglna og útbúnaðs bílanna. Í efnhagskreppunni sem nú ríður yfir heiminn er breytingarnar nauðsynlegar til að fleiri lið en Honda lendi ekki í fjárhagskröggum.

Á næsta ári verður þróunarvinna og æfingar mjög takmarkaðar, auk þess sem reglum um útbúnað bílanna hafði þegar verið breytt fyrir nokkru síðan. Árið 2010 munu mörg lið nota sömu vélar og árið 2011 verður bensínáfylling bönnuð með öllu í mótum.

Þá mun FIA og samtök keppnisliða setja í nefnd hvort úrslitum í meistaramótinu verður breytt á þann veg að sigrar í mótum ráði hver verður meistari, eða hvort stigasöfnun ræður því hver verður meistari í lok árs.

Nánari útlistun má sjá hér