Prefab Sprout gefa út

Gamlir aðdáendur poppgrúppunnar Prefab Sprout geta nú huggað sig við að þeir bræður Paddy McAloon og Martin hafa hreiðrað um sig í hljóðveri á ný og ætla að gefa út nýjan disk í febrúar. Paddy hefur löngum verið hlaðinn lofi sem lagasmiður en frá 1990 hefur hljómsveitin tekið því rólega, sendi frá sér plötuna Andromeda Heights árið 1997 og The Gunman and other Stories 2001 og Paddy sendi frá sér tilraunaverkið I Trawl the Megaherz sem kom út 2003.

Nýja platan gengur undir vinnuheitinu Let's Change the World With Music - The Blueprint, og þar verða sönglög sem þegar eru sögð með betri smíðum Paddy McAloon Let There Be Music og God Watch Over You. Þau má heyra í febrúar 2009.