Kreppa í Bretlandi

Kreppa er nú í Bretlandi, samkvæmt nýjustu gögnum hagstofunnar þar í landi sem benda til að samdráttar hafi gætt í hagkerfinu þar í landi í tvö ársfjórðunga í röð.

Samkvæmt tölunum dróst hagvöxtur saman um 1,5 prósent á fjórða ársfjórðungi. Það kemur til viðbótar 0,6 prósenta samdrætti á þriðja fjórðungi.

Almenna skýringin er sú að dragist hagkerfið saman í tvo fjórðunga samfleytt sé hægt að tala um kreppumerki.

Þetta eru fyrstu merki um svo alvarlegan samdrátt í bresku hagkerfi síðan á tíunda áratug síðustu aldar, að sögn breska ríkisútvarpsins, sem bætir því við að kreppan, sem upphaflega tengdist fjármálageiranum í upphafi, hafi teygt anga sína út í efnahagslífið.

Þá segir að almennt hafi samdráttar gætt í Bretlandi í þrjá fjórðunga samfleyttt sé miðað út frá árinu 1955. Síðustu árin hafi kreppueinkenna hins vegar gætt í allt að fimm fjórðunga.

Sérfræðingar telja hins vegar líkur á að samdráttarins nú geti gætt langt fram á næsta ár.