Avatar sló aðsóknarmet á heimsvísu um helgina

Í Bandaríkjunum námu tekjurnar af Avatar 73 milljónum dollara og er myndin þar með í öðru sæti hvað aðsókn varðar þar í landi. Í fyrsta sæti er I Am Legend (2007) með 77 milljónir dollara. Í frétt um málið á vefsíðunni Deadline Hollywood segir að hér verði að taka tillit til hins mikla vetrarveður sem geysaði á austurströnd Bandaríkjanna yfir helgina og gerði það að verkum að aðsókn í kvikmyndahús var mjög dræm yfir höfuð.

Þannig minnkaði aðsókn á Avatar aðeins um 5% frá föstudegi til sunnudags meðan aðsókn á aðrar nýjar myndir minnkaði um allt að 50% á sama tímabili.

Á Íslandi var þetta lang stærsta opnun ársins eða 55% stærri opnun en 2012 sem átti fyrir stærstu opnun ársins. Í tilkynningu frá Senu segir að auki er þetta næst stærsta opnun á kvikmynd í desember frá upphafi. Heildartekjur með miðnæturfrumsýningum námu um 16.2 milljónum króna og sóttu myndina yfir 14.000 manns.