Ekki tekist að bjarga BMW

BMW liðið sem er hætt að keppa í Formúlu 1 tókst ekki að selja liðið í tæka tíð fyrir undirskrift FOTA keppnisliða við FIA, en skráningu lauk í gær og tólf lið eru skráð í Formúlu 1 frá 2010 til 2011.

Peter Sauber, fyrrum eigandi Sauber liðsins sem seldi búnað sinn til BMW í góðri trú fyrir nokkrum árum segist afar svekktur hvernig komið er fyrir liðinu, en hann átti 20% í BMW. Hann hefur reynt að stýra málum í höfn með nýjum fjárfestum, en segir BMW vilja fá of mikið fyrir bækistöðina í Hinwill í Sviss.

FOTA, samtök keppnisliða eru tilbúinn að framlengja frestinn til BMW, en ekki er víst að FIA taki það í mál. Margir aðilar hafa áhuga á að koma inn í Formúlu 1 í stað BMW.

"Okkur hefur ekki tekist að semja við Sauber og aðra aðila um kaup á liðinu og búnaði þess. Við munum klára 2009 tímabilið og sjá hvort eitthvað samkomulag næst á komandi vikum. En BMW hættir sem lið í lok ársins. Það er kllárt", sagði Mario Thiessen yfirmaður BMW liðsins.