Max Mosley: Dómur yfir McLaren réttlátur

Forseti FIA, Max Mosley segir að dómur FIA í gær vegna lygamálsins í fyrsta Formúlu 1 móti ársins hafi verið réttlátur og ekki of vægur.

McLaren fékk þriggja móta skilorðsbundið bann til 12 mánaða og má ekki brjóta af sér á ný, þá tekur bannið gildi. Lewis Hamilton og Dave Ryan var refsað fyrir að segja dómurum ósátt  í fyrsta móti ársins. Ryan var rekinn frá McLaren vegna málsins, en Hamilton hélt velli eftir að hafa beðist afsökunar.

"Ég tel að dómurinn hafi verið réttlátur og ekki of vægur. Ákvarðanir voru teknar innan McLaren af fólki sem hefur verið látið fara. Í ljósi þess þá var óþarfi að ganga lengra með málið. McLaren hefur sýnt að þeir hafa breytt rétt frá því málið kom upp og það er betra horfa fram veginn", sagði Mosley.

"Mér fannst Martin Whitmarsh skila sínu hlutverki vel fyrir hönd McLaren. Hann var hreinn og beinn. Við erum allir að vinna að því að Formúla 1 verði öflug íþrótt", sagði Mosley.

Bernie Ecclestone taldi hins vegar að McLaren hefði sloppið vel frá málinu, en McLaren hefði samt verði refsað fyrir uppátækið.