Framtíð Pandev óráðin - orðaður við Fiorentina

Makedónski landsliðsframherjinn Goran Pandev hjá Lazio á enn í hörðum deilum við forseta ítalska félagsins Claudio Lotito og því er alls óvíst hvort að hann eigi einhverja framtíð þar.

Pandev var sterklega orðaður við Ítalíumeistara Inter í sumar en nú síðasta er talið líklegt að hann fari til Fiorentina þegar félagaskiptaglugginn opnar í janúar.

„Það hafa átt sér einhverjar þreifingar á milli Lazio og Fiorentina en ég vill ekki tjá mig um stöðu mála að svo stöddu," segir Carlo Pallavicino, umboðsmaður Pandev, í samtali við vefmiðilinn Violanews.com í dag.