Milan getur unnið ítölsku deildina

David Beckham mætir bjartsýnn til leiks hjá AC Milan en hann kom til félagsins í gær. Hann hefur ekki gefið upp alla von um að Milan verði ítalskur meistari þó svo félagið sé átta stigum á eftir Inter.

„Ég hef fylgst daglega með öllu sem gerist í ítalska boltanum. Ég veit að við getum saxað þetta forskot niður og tryggt okkur titilinn," sagði Beckham.

„Það er gaman að vera kominn aftur og ég kann vel við að vera hluti af þessum hópi. Ég veit að leikkerfið hefur breyst síðan í fyrra en mér er eiginlega alveg sama. Ég spila bara hvar sem stjórinn vill nota mig."