Massa: Þakklátur að sleppa lifandi

Felipe Massa var útstkirfaður af spítalanum í Búdaest í dag, þar sem hann hefur dvalið síðustu 9 daga eftir óhappið í tímatökunni á Hungaroring brautinni. Fyrst var honum var hugað líf, en hann hefur braggast hratt á spítalanum eftir að neyðaraðgerð var framkvæmd á höfði hans.

Michael Schumacher mun keyra í stað Massa í næsta móti sem verður á Valencia brautinni á Spáni.

"Michael Schumacher tekur mitt sæti og þarf ekki ráðgjöf mína! Hann veit hvað hann á að gera. Það var hann sem leiðbeindi mér þegar ég var að byrja. Það er frábært að jafn frábær persónuleiki og náungi keyri bílinn í minn stað. Það verða allir ánægðir að sjá Schumacher keppa aftur. Ég vil samt komast sem fyrst undir stýri....", sagði Massa.

Massa var stálheppinn að stálgormur sem flaug af bíl Rubens Barrichello skyldi ekki bana honum.

"Ég þakka Guði fyrir að sleppa. Svo er ég þakklátur björgunarmönnum og læknum á staðnum og í Búdapest. Dino Altman, persónulegur læknir minn flaug frá Brasilíu með fjölskyldu minni og hefur verið ómetanlegur styrkur. "

"Þá er ég þakklátur öllum þeim sem hafa skrifað mér og beðið fyrir mér. Það eru svo margir sem hafa sýnt mér hlýhug og beðið fyrir mér. Ég myndi gera slíkt hið sama ef eitthvað henti annan ökumann."

Sjá meira um málið