KR Íslandsmeistari

KR er Íslandsmeistari í körfubolta eftir nauman sigur á Grindavík í oddaleik liðanna um titilinn, 84-83.

KR var með yfirhöndina allan leikinn en lokamínúturnar voru æsispennandi. Grindavík átti möguleika á að stela sigrinum í leikslok en KR-vörnin hélt þegar mest reyndi á.



Leik lokið: KR - Grindavík 84-83

KR tapaði boltanum. Grindavík í sókn. 24 sekúndur eftir. Þeir reyndu að keyra út klukkuna. Það klikkaði. Brenton þurfti að gefa boltann frá sér. KR er Íslandsmeistari.

4. leikhluti: KR - Grindavík 84-83 (0:36 eftir)

Helgi Már reynir þrist en klikkar. Er heppinn og nær frákastinu. Grindavík með afar grimman varnarleik.

4. leikhluti: KR - Grindavík 84-83 (1:00 eftir)

Nick með enn eina körfuna eftir seiglukeyrslu inn í teiginn. Eitt stig sem skilur á milli og KR tekur leikhlé. Spennan er gjörsamlega svakaleg!!!

4. leikhluti: KR - Grindavík 84-81 (1:10 eftir)

Jakob klikkar og Brenton með körfu. Fannar klikkar og Grindavík með boltann.



4. leikhluti: KR - Grindavík 84-79 (2:00 eftir)

Brynjar með sóknarfrákastið og tvö stig. Arnar Freyr svarar.

4. leikhluti: KR - Grindavík 82-77 (2:50 eftir)

Helgi Már með þrist en Nick svarar með þristi hinum megin úr afar erfiðri stöðu.

4. leikhluti: KR - Grindavík 79-74 (3:47 eftir)

Jason út af með fimm villur. Grindavík með boltann. Háspenna.

4. leikhluti: KR - Grindavík 79-72 (5:10 eftir)

Sóknarvilla á Arnar og KR fær boltann. Fjórða villan hans Arnars. Dýrmætt fyrir KR.



4. leikhluti: KR - Grindavík 77-72 (6:11 eftir)

Helgi, Fannar og Jason inn á hjá KR og þá gengur þetta miklu mun betur. En hversu lengir náð þeir að dansa á þessari línu?

4. leikhluti: KR - Grindavík 73-69

Helgi Valur svaraði með þristi langt utan þriggja stiga línunnar. Fannar með góða körfu hinum megin.



4. leikhluti: KR - Grindavík 71-66



Jason kominn aftur inn og hann opnaði fjórða leikhluta með því að setja niður þrist um leið og skotklukkan rann út.

3. leikhluta lokið: KR - Grindavík 68-66

Grindavík átti síðustu sóknina í leiknum og var Brenton hreinlega tekinn úr umferð. Þá tók Arnar til sinna mála, keyrði upp að körfunni og setti niður sniðskot og fiskaði um leið víti. Aðeins tveggja stiga munur - gríðarmikil spenna.

KR átti í miklum vandræðum með varnarleik Grindavíkur í leikhlutanum og er komið með fjóra leikmenn í fjórar villur. Það mun mikið mæða á þeim Jakobi, Jóni Arnóri, Pálma og Darra.

3. leikhluti: KR - Grindavík 66-63



Skarphéðinn nú kominn með fjórar villur. Nick hefur farið mikinn í leikhlutanum og er kominn með 28 stig, þar af tólf í þessum leikhluta.

3. leikhluti: KR - Grindavík 62-56

KR hefur verið að hitta illa en frákasta vel. Léleg vítanýtingin hjá KR þessa stundina, sem gæti reynst dýrkeypt.

3. leikhluti: KR - Grindavík 61-56

Annar riiiisaþristur hjá Nick. Rosalegt.

3. leikhluti: KR - Grindavík 60-53

KR er í villuvandræðum. Jason, Fannar og Helgi Már allir með fjórar villur. Páll Kristins með fjórar hjá Grindavík. Nick Bradford með risastóran þrist fyrir Grindavík.

3. leikhluti: KR - Grindavík 60-49

Jón Arnór með þriggja stiga fléttu. Afar drjúgt og nú reynir á Grindavík að missa ekki heimamenn of langt fram úr sér.

3. leikhluti: KR - Grindavík 57-46

Sjö stig hjá KR í röð. Fyrst þristur hjá Jóni Arnóri og svo keyrir Jason tvívegis upp að körfunni. Leikhlé hjá Grindavík.



3. leikhluti: KR - Grindavík 50-46

Páll Kristinsson skorar fyrstu stigin í síðari hálfleik.

Hálfleikur: KR - Grindavík 50-44

Góður lokasprettur hjá gestunum. Þristur hjá Brenton en Fannar svaraði svo fyrir KR með sniðskoti. Grindavík fékk svo síðustu sóknina í leiknum og eins og svo oft áður í þeirri stöðu fékk Brenton boltann. Hann var með Jón Arnór í sér en keyrði engu að síður upp að körfunni og náði í tvö stig.

Stig KR: Jakob 16, Jón Arnór 12, Jason 6, Fannar 5, Skarphéðinn 4, HElgi 4 og Pálmi 3.



Stig Grindavíkur: Nick 16, Páll Kristins 10, Brenton 7, Páll Axel 6, Helgi Jónas 3 og Arnar 2.

2. leikhluti: KR - Grindavík 46-37

Ekki mikið búið að gerast síðustu mínúturnar. Leikmenn aðeins að spara sig fyrir seinni hálfleikinn. Grindavík tekur leikhlé.

2. leikhluti: KR - Grindavík 40-31

Nick Bradford með tvær stórar körfur í röð. Fyrst erfitt lay-up og svo stelur hann boltanum af Jason og kemst einn í gegn. Þetta er ekki búið enn, svo mikið er víst. Leikhlé hjá KR.

2. leikhluti: KR - Grindavík 40-27

Helgi Jónas með fyrsta þrist Grindavíkur í leiknum. Jón Arnór svarar með þristi fyrir KR.

2. leikhluti: KR - Grindavík 35-22

Jón Arnór með þrist. Tíu stiga munur í fyrsta sin í leiknum. Svo kemur Skarphéðinn. Hann setur bara líka niður þrist. Grindavík tekur leikhlé.

2. leikhluti: KR - Grindavík 29-22

Enn enn þristurinn hjá Jakobi. Hann ætlar aldeilis að láta til sín taka í kvöld.

1. leikhluta lokið: KR - Grindavík 24-20

Mjög fínum fyrsta leikhluta lokið. Stórar körfur hjá Jakobi og fínt framlag af bekknum hjá KR. Páll Kristinsson hefur farið mikinn í liði Grindavíkur og verið duglegur.

1. leikhluti: KR - Grindavík 24-20

Pálmi og Skarphéðinn hafa komið sterkir inn hjá KR. Svo var Jakob að setja niður sinn þriðja þrist.

1. leikhluti: KR - Grindavík 17-14

Fannar kominn með tvær villur eftir sjö mínútur. Þetta er viðkvæmt fyrir KR - þeir mega alls ekki við því að missa Fannar úr þessum leik. Honum er um leið skipt af velli.

1. leikhluti: KR - Grindavík 13-8

Hörku sóknarleikur hjá báðum liðum þessar fyrstu mínúturnar. Góð hittni og góðar fléttur. Jakob með annan þrist. Hann er greinilega heitur.

1. leikhluti: KR - Grindavík 3-2

Jakob með þrist. Er hans tími kominn í þessari úrslitakeppni?



1. leikhluti: KR - Grindavík 0-2

Fannar hittir ekki í fyrstu sókn KR og Arnar fiskar strax villu á Helga hinum megin. Arnar setur bæði niður og skorar fyrstu stig leiksins.

1. leikhluti: KR - Grindavík 0-0



Byrjunarlið KR: Jason, Jakob, Helgi Már, Jón Arnór og Fannar. Byrjunarlið Grindavíkur: Arnar Freyr, Brenton, Páll Kristins, Nick og Páll Axel. Leikurinn byrjaður.

19.13 Gaslampar

KR-ingar syrgja sjálfsagt þá staðreynd nú að lýsa völlinn með gaslömpum sem tekur að minnsta kosti 20 mínútur að kveikja á eftir að slökkt er á þeim. Það er því ekki hægt að bjóða upp á ljósashow eins og verið hefur gert í Grindavík í rimmunni. Engu að síður mögnuð stemning í húsinu.

19.10 Fimm mínútur

Fimm mínútur í leik. Hér er hver einasti fersentímeter nýttur fyrir utan völlinn sjálfan. Þvílíkur fjöldi í svona „litlu" húsi.



19.07 Taka til í hausnum

Þeir Jón Arnór Stefánsson og Helgi Jónas Guðfinsson voru í viðtali við Gaupa á Stöð 2 Sporti. Jón Arnór sagði að það hafi verið tekið til í hausnum á leikmönnum fyrir síðasta leik. Helgi Jónas að slíkt hið sama hefði verið gert fyrir þennan leik í kvöld. Ég held að það sé óhætt að fullyrða að leikmenn verði á tánum í kvöld.

18.57 Allir „heilir"

Það er enginn á meiðslalistanum í svona leik. Einhverjir leikmenn hafa átt í meiðslavandræðum en öll meiðsli hverfa eins og dögg fyrir sólu þegar um leik eins og þennan er að ræða. Allir með í kvöld.

18.52 Eitt ár í viðbót

Forráðamenn KKÍ og Iceland Express undirrituðu samning þess efnis að síðarnefnda fyrirtækið verði áfram aðalstyrktaraðili efstu deilda karla og kvenna eins og verið hefur undanfarin ár. Frábærar fréttir fyrir körfuboltann.

18.45 Leikmenn hrífast með

Menn þurfa að vera ansi kaldir ef þeir ætla ekki að hrífast með þessari stemningu. Á meðan að KR-ingar hituðu upp sína stuðningsmenn voru Grindvíkingar í búningsklefanum sínum. En heimamenn voru að hita upp út á velli og eru sýnilega fullir eldmóðs eftir þetta.

18.40 Troðfullt hús

Það er löngu orðið troðfullt hús hérna í Frostaskjólinu. Nú eru forráðamenn stuðningsmannahópanna að hita sína menn upp. Það finna það allir hér í húsinu að þetta verður rosalegur leikur.

18.30 Velkomin til leiks!

Verið velkomin til leiks hér á Vísi þar sem leik KR og Grindavíkur verður lýst. Eins og lesendur Vísis hafa tekið eftir höfum við verið að hita upp fyrir leikinn í dag með greinum sem má sjá hér að neðan.