Davíð Þór: Lélegur leikur hjá okkur

"Þetta var lélegur leikur hjá okkur í dag en á móti kemur að Eyjamenn spiluðu mjög vel í dag og voru alls ekkert lakari aðilinn í leiknum," sagði Davíð Þór Viðarsson fyrirliði FH-inga eftir leikinn við ÍBV í dag. FH vann, 3-2, í framlengdum leik í bikarkeppninni.

Hann vildi þó ekki meina að um neitt vanmat væri að ræða. „Við vissum alveg í hverju Eyjamenn eru sterkir og þeir létu okkur hafa fyrir hlutunum og spiluðu afar skynsamlega í dag."

Davíð Þór sagði að gagnrýnin á lið ÍBV hefði átt rétt á sér eftir leik ÍBV gegn Fylki.

„Eyjamenn voru afar slakir gegn Fylki en þeir mega eiga það að þeir reyna að spila fótbolta sem er meira hægt era ð segja um mörg lið." Davíð sagði að lokum að hann væri afar bjartsýnn á framhaldið hjá FH.

„Við erum í flottum málum þó svo að þessi leikur hafi verið slappur. Þetta var bara „wake-up call" fyrir okkur fyrir næsta leik gegn Fylki sem er stórleikur því ef við vinnum hann þá ýtum við Fylki lengra frá okkur sem er eitthvað sem við þurfum að gera."