Hiddink sagður vera á leið til Juventus

Þær fréttir láku út á Ítalíu í dag að Guus Hiddink yrði kynntur til leiks sem nýr þjálfari Juventus þann 2. janúar næstkomandi. Aðeins er vika síðan forráðamenn Juve sögðust aldrei hafa rætt við Hiddink.

Það er búið að vera afar heitt undir þjálfara liðsins, Ciro Ferrara, og ef eitthvað er að marka fréttir ítalskra fjölmiðla í hádeginu tekur Hiddink við í byrjun næsta árs.

Roberto Bettega er aftur farinn að starfa fyrir Juve og hermt er að hann hafi fengið Hiddink til að taka að sér starfið.