Mosaic Fashions í samningum við Kaupþing um frekari lán

Mosaic Fashions á nú í samningaviðræðum við skilanefnd Kaupþings um frekari lán til félagsins til að halda verslunarkeðjum þess gangandi meðan að unnið er að endurskipulagningu og eða sölu þeirra.

Þetta kemur fram í tilkynningu frá Mosaic. Þar segir ennfremur að Kaupþing hafi fallist á að Mosaic geti frestað afborgunum af lánum sínum og vaxtagreiðslum til bankans.

Fram kemur í tilkynningunni að miklar vangaveltur hafi verið í breskum fjölmiðlum um framtíð félagsins. Það rétta sé að The Shoe Studio er í sölumeðferð og að nokkrir aðilar hafi sýnt áhuga á því að kaupa Principles. „Það eru engin áform um að skipta félaginu frekar upp," segir í tilkynningunni.