Pólland selur Spáni loftslagskvóta fyrir 4,7 milljarða

Pólland hefur selt Spáni hluta af loftslagskvóta sínum fyrir 25 milljónir evra eða um 4,7 milljarða kr. Skrifað var undir samkomulag þessa efnis nú í vikunni.

Samkvæmt frétt um málið á vefsíðunni offshore.no er Pólland að íhuga að selja einnig loftslagskvóta til Írlands. Tekjurnar af sölunni á loftslagskvótum ætla Pólverjar að nota til að draga úr mengun gróðurhúsalofttegunda heima fyrir.

Samkvæmt offshore.no er grundvöllurinn fyrir sölu á loftslagskvóta sá að viðkomandi þjóð mengi minni en hún hefur skuldbundið sig til að gera samkvæmt Kyoto-bókuninni.

Þess má geta að Vigdís Hauksdóttir þingmaður Framsóknarflokksins fékk nýlega ákúrur fyrir að segja að ríkisstjórnin afsalaði 15 milljarða verðmætum fyrir hönd þjóðarinnar með því að Svandís Svavarsdóttir umhverfisráðherra ætlaði ekki að sækjast eftir áframhaldandi undanþágum fyrir Ísland.

Umfjöllun um það má sjá hér: https://www.visir.is/article/2009572983556