Atlantic Petroleum kemur nýtt inn í Úrvalsvísitöluna

Færeyska olíufélagið Atlantic Petroleum kemur nýtt inn í Úrvalsvísitöluna við opnun markaða á morgun, 20. ágúst 2009. Alfesca hf. verður tekið úr OMXI6 Úrvalsvísitölunni eftir lokun markaða í dag, 19. ágúst vegna yfirtökutilboðs í félagið frá 26. júní 2009.

Össur hf. er stærsta félagið í Úrvalsvísitölunni og vegur það tæp 32% í útreikningi á vísitölunni.

Ný samsetning OMXI6 Úrvalsvísitölunnar frá og með morgundeginum verður eftirfarandi:

Össur hf 31,91%, Færeyjabanki 31,3%, Atlantic Petroleum P/F 16,73%, Marel Food Systems hf. 16,29%, Bakkavör Group hf. 2,09% og að lokum Icelandair Group hf. 1,69%.