Ecclestone mærði Hitler og fékk skammir

Formúlu 1 alráðurinn Bernie Ecclestone félkk skömm í hattinn um alan heim eftir að hafa rætt fjálglega um hver atorkusamur Adolf Hitler hefði verið á sínum tíma. Ummæli hans ollu úlfaþyt um allan heim, bæði hjá almenningi, pólitíkusum og ýmsum samtökum gyðinga.

"Ég var bjári og biðst afsökunar á ummælum mínum", sagði Ecclestone eftir að fjöldi aðila reis upp til handa og fóta, eftir að hann sagði í ensku dagblaði að stundum væri betra að vera með einræðisherra við stjórnvölinn. Hitler hefði komið mörgum í verk, eins og dæmin sönnuðu.

"Ég studdi aldrei Hitler og enn síður þa misjöfnu hluti sem hann framkvæmdi. En fyrir stríðið þá reisti hann efnahag Þýskalands upp úr rústum einum. Hann týndi sér síðan í stríðrekstri. Ég tel að orð mín hafi verið oftúlkuð og ég er leiður yfir þessu vegna þess að ég hef sem dæmi stutt gyðingasamtök af kappi gegnum tíðina. Flestir félaga minna eru gyðingar og þeir hafa stutt mig eftir þetta upphlaup", sagði Ecclestone.

Hann átti að hitta Gunther Oettinger, forseta Baden Wurtemburg í vikunni fyrir þýska kappakasturinn um næstu helgi ti að ræða framtíð Hockenheim kappakstursins, en fundinum var aflýst vegna ummælanna.