Martröð hjá McLaren með 2009 bíl

Meistaralið McLaren Mercedes liðið er í vandræðum með 2009 bílinn sinn og viðurkenndi Martin Whitmarsh, framkvæmdarstjóri liðsins þetta í dag.

Meistarinn Lewis Hamilton náði ekki góðum aksturstímum á Barcelona brautinni í vikunni og ekki heldur Heikki Kovalainen. Hamilton klessti bíl sinn á miðvikudag, eftir að hafa reynt að kreista allt út úr bílnum sem hægt er.

Á sama tíma var hið nýja lið Brawn með sömu Mercedes vél og McLaren að ná topptímum tvo daga í röð. Whitmarsh segir að tæknimenn McLaren séu að vinna í að leysa vandann, en liðið æfir í þrjá daga á Jerez brautinni í Barcelona í næstu viku.

Þrátt fyrir mikla reynsliu af Formúlu 1 virðist McLaren ekki hafa hitt á rétta hönnun yfirbyggingar og undirvagns eftir miklar reglubreytingar fyrir árið í ár.

Mörg lið hafa komið toppliðinum tveimur, McLaren og Ferrari á óvart á æfingum síðustu vikurnar. Brawn, Toyota og BMW virðast mjög sterk um þessar mundir.

Sjá nánar um málið