Alonso og Schumacher gagnrýna gullkerfið

Michael Schumacher og Fernando Alonso eru báðir ósáttir við að búið er að breyta því hvernig ökumenn verða heimsmeistara í Formúlu 1. Sá sem vinnur flest gull verður meistari, en verði menn jafnir hvað gull varðar, þá gildir gamla stigagjöfin.

Ákvörðun FIA í gær hefur vakið misjöfn viðbrögð manna. Sumum líst vel á að ökumenn þurfti að berjast af auknu kappi um sigra og um leið gull. Bernie Ecclestone vildi ganga enn lengra og að talin væru gull, silfur og brons. FIA ákvað að fara millileiðina, láta gull ráða ferðinni og svo stigagjöf ef gera þarf upp á milli manna eftir tímabilið.

Bæði Alonso og Schumacher hafa gagnrýnt að reglum sé breytt svo skommu fyrir fyrsta mót, en aðrir telja að gullkerfið muni hleypa nýju lífi í Formúlu 1. Menn hætti að keyra upp á örugg stig og berjist af krafti um gullið frá upphafi til enda.

Sjá nánar um málið