Maldini aftur til Milan?

AC Milan-goðsögnin, Paolo Maldini, útilokar ekki að snúa aftur á San Siro en þó ekki sem leikmaður að þessu sinni.

Maldini lagði skóna á hilluna í lok síðustu leiktíðar eftir frábæran feril. Nú er talað um að hann fái vinnu sem stjórnarmaður hjá félaginu.

„Ég gaf félaginu mikið og fékk mikið til baka. Ég ber mikla ást til félagsins og ef ég get gert eitthvað jákvætt fyrir félagið þá er ég til í það," sagði Maldini en stuðningsmenn félagsins myndu fagna því að sjá Maldini í yfirstjórn félagsins.